Раççей патшалăхĕн академи Кĕçĕн театрĕ — Мускав хулин драма театрĕ, Раççейри ватă театрĕсенчен пĕрри, вырăс наци культурине аталантарас ĕç-пуçĕнче паллă вырăн йышăнать.. 1824 çулхи юпан 14-мĕшĕнче Мускавра уçалнă.
Хальхи тапхăрта театăрăн пултарулăх ертӳçи: СССР халăх артисчĕ Юрий Мефодьевич Соломин, директорĕ —
XIX—XX ĕмĕрсен чиккинче çĕршыв йывăр лакăма лекни театăра та тивет. Аталанас ĕç-пуçра Малый театр çĕнĕ çулсем шырать. Актёр тата режиссёр А. П. Ленский 1898 çулта Çĕнĕ театр — Малый театрăн филиалне уçать, унта вăл педагогика ĕç-хĕлĕпе тата экспериментлă ĕçсемпе тăрмашать.
Тăван Çĕршывăн Аслă вăрçи кĕрленĕ çулсенче театр çумĕнче фронт филиалĕ ĕçленĕ. 1946 çулта архитектор А. П. Великанов проекчĕпе театăрăн çуртне çĕнетнĕ.
Вăрçă хыççăн тапхăрта лартнисенчен: В. Н. Пашенная вылянă М. А. Горькин «Васса Железнова» пьеси (1952); А. Н. Степановпа тата И. Ф. Поповăн «Порт-Артур» истори драми 1953; Л. Н. Толстойăн «Власть тьмы» пьеси (1956); М. Ю. Лермонтовăн «Маскарад» (1962); В.Шекспирăн «Макбет» (1955); У.Теккерейĕн «Ярмарки тщеславия» (1958); Г.Флоберăн «Госпожа Бовари» (1963) инсценировкисем.
Совет тапхăрĕнче театăрăн мухтавне И. В. Ильинский, Е. Д. Турчанинова, Б. А. Бабочкин, В. И. Хохряков, М. И. Царев, М. И. Жаров, Э. А. Быстрицкая, В. В. Кенигсон, В. И. Коршунов, И. А. Любезнов, Р. Д. Нифонтова, Е. Н. Гоголева, Е. В. Самойлов, Е. Я. Весник, Ю. И. Каюров, Г. А. Кирюшина, Н. И. Корниенко, А. И. Кочетков, И. А. Ликсо, Т. П. Панкова, Ю. М. Соломин, В. М. Соломин, Л. В. Юдина, В. П. Павлов, Э. Е. Марцевич, К. Ф. Роек, А. С. Эйбоженко, тата нумай ытти актёрсен хевтеллĕ ĕçесем кӳнĕ.
Малтанхи çулсенче Малый театăра ертсе пынă çынсем: А. И. Южин, И. Я. Судаков, П. М. Садовский, К. А. Зубов, М. И. Царев, Е. Р. Симонов, Б. И. Равенских тата ыттисем. 1988 çултанпа театрăн пултарулăх ертӳçи — Ю. М. Соломин.
Театăрăн элемне тĕрлĕ çулсенче çӳлте тытса пынă ĕçченсем:
